(58) suliran ni bossing niadtong 10-30-2008...

usa kani ka isturya sa among kauban nga laki
itago na lang nato sa pangalan nga bokkie.
sa yang kinabuhi siya naulawan
ug ako igo ra mo katawa sa taman.

usa kaadlaw na huebes kadto
si bokkie sa iidabashi nag-inusara niadto.
ug sa dihang sa takna nga alas dose impunto
"kaon na" ang gihunahuna, mao ra ang sulod sa ulo.

sa opisina, siya nagdali ug hawa
kay lagi excited mukaon, ug unya...
didto sa baratuhong yoshinoya baya
siya nilingkod, waiter gipangita.

pagkahuman sa malami niya nga pagkaon,
gochisousamadeshita unta kung kabalo pa muhinapon.
pitaka gikuha para mubayad na unta
ug hala sa dakong pagkakurat, 80 yen ra ang nakita.

gikulbaan ug sugod, agtang gipaningot.
kay ngano man intawon sa kwarta siya nakalimot!
nagwarawara sa kamot para makasabot
ang waiter nga hapon sa iyang atubangan nagmug-ot.

gihatagan niya ug ngalan, telephone number ug uban pa
kuyog sa hangyo nga siya mubalik ra.
ang waiter intawon siguro nagduhaduha
maayo na lang sa katapusan, nagkasinabtanay ra sila.

pwerti niyang sutoy sa ATM sa unahan
savings sa bangko hinuon ang nakuhaan.
sa utok "kauwaw", mao ra ang nagdagan
apan unsaon ta man, uwahi na ang tanan.

hala bokkie paningkamot na lang.
butangi ug dyes mil ang bulsa daan.