baha sa dalan

alas otso beynte kwatro na

aw, nakaligo na man sad ko ba.

di na ko ganahan maligo usab oi!

busa ikaw uwan, hunungi na.

maghinay-hinay na lang sa ko

layo-layo pa bitaw ang oras no.

maghuwat lang sa ko na motuang-tuang

kay sa mabasa, magkasakit pa lang.

ug sa dihang nikusog man hinuon ug maayo

sure mo'ng uwan pa ni ug dili bagyo?

ang among balay mura na ug castilyo

gipalibutan ug tubig, lalom pa gyud kaayo.

akong mama naglibog ko'g nganong pwerting lingawa

wa ko nahimutang oi, ako gyung gipangutana.

ang dalan lagi daw sa atubangan, matud niya

murag sapa nga sulog pwerte pa gyung hugawa.

sa pagka alas onse y medya, hala sige larga.

niundang na ang uwan ug ang tubig ninghunas na,

akong sapatos dili na mulangoy parehas ganiha.

adto na gyud ko sa trabaho, sa taman makigchika.

hala! alas dose na lang wala pa ko kasakay da.

ang mga taxi na walay sakay asa na man kaha?

sa eskina sudlon, agi na kamo intawon

gikapoy na ko ug tindog, kapoy na ug huwat manong.

hay salamat ug nakasakay na ko finally.

nakalingkod na akong lubot, dukaon na ko ani.

bang! pagka traffic. kahinay sa dagan.

akong gihunahunang laag gamay, napapas, nahawan.

baha ngadto baha ngari, sure mong sugbo ni?

pagkatoytoy ba gud diay sa canal ani.

ang tax nakong gibayran ba, asa diay napunta?

hinaot unta dili ra sa mga politikanhong bulsa.

kinse, beynte, trenta minutos na...

pagkalayo pa sa padulngan, pagkadugay ba.

ikapila na nagheadbang akong ulo sa kaduka

kanusa man ni maabot oi? piskot na baha.

ang taxi kong gisakyan sa pagpatak nagsige lang

pwerte na ganing lapasa sa bayranang naandan.

hoi! pasutoya mi'g agi ang dalan hawani

basin sa kwarta ko sensilyo lang ang mahabilin niini.

maayo nalang tag30 pa ang akong nasakyan

naa ra ba toy plano na sa 40 patas-an.

asa ka na human sa usa ka oras na pagdagan

130 and nipatak ug akong nabayran.

pagkadimalas, pagkapait na lang.

nalate pa gyud ko sa giahak na uwan.

uwanon daw hasta summer ingon akong kauban

mag-andam na lang ko'g barko na sa baha masakyan.